2025МУЗ нь Дэлхийн Хөшөө Дурсгалын Сантай хамтран Чойжин ламын сүм музейн Өндөр Гэгээний сүмийг сэргээн засах ажлын зураг, төсвийг амжилттай гүйцэтгэн, эвдрэл гэмтлийн судалгаа хийж, сэргээн засварлах төслийн бэлтгэл ажлыг эхлүүлсэн юм. Үүнтэй холбогдуулан ажлын хэсэг байгуулан, зураг төслийг батлуулах, хамтран хэрэгжүүлэх, сэргээн засварлах байгууллага тодорхойлох зэрэг бэлтгэл ажлыг ханган ажиллаж байна.
20252025 оны World Monuments Watch хөтөлбөрт Монголын Буддын шашны цөөхөн дурсгалт газруудын нэг “Эрдэнэ Зуу” хийдийг уур амьсгалын нөлөөллөөс хадгалан хамгаалах, ирээдүйн өвийн мэргэжилтнүүдийг бэлтгэх зорилготойгоор нэр дэвшүүлсэн нь олон улсын үнэлгээ, хяналт, өвийн шинжээчдийн хараат бус шалгаруулалтаар томоохон сорилтуудтай тулгарч буй 200 гаруй нэр дэвшигчдээс анхаарах ёстой 25 түүхэн, дурсгалт газруудын нэгээр шалгарсныг тэмдэглэн өнгөрүүллээ.
2025МУЗ нь 2025 оны 6-р сард Нийслэлийн Засаг даргын тамгын газар, Нийслэлийн Соёл, урлагийн газар, Монголын Урлагийн Зөвлөл хамтран ЮНЕСКО-гийн Бүтээлч хотуудын сүлжээний үйл ажиллагааны 7 төрлийн нэг болох медиа, дүрслэх урлагийг сурталчлан таниулах, түгээн дэлгэрүүлэх чиглэлээр “Улаанбаатар” биенналийг санаачлан, хотын иргэдийн оюун санаа, гоо зүйн мэдрэмж, түүх, соёл, урлаг, уран сайхны танин мэдэхүйн хэрэгцээг хангах, соёлын аялал жуулчлалыг хөгжүүлэх, оршин суугчдын амьдралын чанарыг дээшлүүлэх зорилгоор зохион байгуулж эхэлсэн.
2025 онд “Сарны дор, тэнгэрийн хаяанд” сэдвийн дор олон улсын ерөнхий болон хамтарсан үзэсгэлэн, тайз болон гадна талбайн хөтөлбөр, урлагийн боловсролын хөтөлбөр, куратор, уран бүтээлчдийн сургалт, уулзалт зэрэг хөтөлбөрүүдтэйгээр амжилттай зохион байгуулж эхэлсэн.
2024МУЗ нь 2024 оны намраас эхлэн чөлөөт уран бүтээлчид, урлагийн салбарын залуу менежерүүдийн чадавхыг дээшлүүлэх, манлайллын ур чадвар, хувь хүний хөгжлийг дээшлүүлэх, хамтын ажиллагааг өргөжүүлэх зорилготой “Амжилтын гарц” сургалтыг санаачлан зохион байгуулж, 2025 оны байдлаар нийт 23 уран бүтээлчийн чадавхыг дээшлүүлсэн байна.
2023МУЗ нь М-Си-Эс групп болон Соёлын яам, Соёлын өвийн үндэсний төвтэй хамтран Хэнтий аймгийн Чингис хотын төвд байрлах Сэцэн Ханы Ордны гадна талбайн тохижилтын ажлыг хийж гүйцэтгэсэн юм.
2023МУЗ нь “Рио Tинто Монгол” компанитай хамтран нийгмийн хариуцлага, соёлын өвийг хамгаалах бодлогын хүрээнд 2021 оны 12 сараас Соёлын өвийн үндэсний төв, Монголын Урлагийн Зөвлөлтэй санамж бичиг байгуулан хамтран ажиллаж, “Өв-Эрдэнэ” соёлын өвийн театрыг ашиглалтад оруулсан юм.
2022-2024Монголын Урлагийн Зөвлөл (МУЗ) нь АНУ-аас Монгол Улсад суугаа Онц бөгөөд Бүрэн эрхт Элчин сайдын нэрэмжит Соёлын өвийг хамгаалах сангийн дэмжлэгтэйгээр Дэлхийн хөшөө дурсгалын сантай хамтран 2021 оноос хэрэгжүүлж эхэлсэн төсөл өндөрлөж, Чойжин ламын сүм музейн Ядамын сүмийг барилгын ур хийц, дүр дүрслэлийн анхны хэлбэр төрхийг нь алдагдуулахгүйгээр сэргээн засварлаж дууслаа.
2019-2020“Өв Эрдэнэ” тэтгэлэгт хөтөлбөрийн хүрээнд соёлын дурсгалт газрууд болон дурсгалт уран барилгын нөхцөл байдал эрсдэлийн судалгаа шинжилгээ, барилгын сэргээн засварлалт, хадгалалт хамгаалалтын төлөвлөлтийн чиглэлээр төслүүд хэрэгжүүлж байна. Тухайлбал:
2020-2021 “Өв Эрдэнэ” хөтөлбөрийн үйл ажиллагааны хүрээнд Чойжин ламын сүм музейг Дэлхийн хөшөө дурсгалын сангийн “World Monuments Watch 2020” хөтөлбөрийн яаралтай хамгаалах шаардлагатай дэлхийн 25 дурсгалт газрын нэгээр бүртгүүлж, олон улсад сурталчлан таниулах ажлыг эхлүүлсний үр дүнд АНУ-ын Элчин сайдын нэрэмжит Соёлын өвийг хамгаалах сан /AFCP/-аас санхүүжилт бүрдүүлэн, Чойжин ламын сүм музейн Ядам сүмийн барилгыг 2021-2022 онд Дэлхийн хөшөө дурсгалын сантай хамтран сэргээн засварлах эх үүсвэр тавигдсан.
2018МУЗ нь өнөөгийн нийгэм дэх олон төрлийн хөгжлийн ялгаатай иргэдийн дуу хоолой, оролцоог нэмэгдүүлэх зорилгоор богино хэмжээний кино бүтээх төслийг Монгол дахь Австралийн Элчин сайдын яамтай хамтран хэрэгжүүлж эхэлсэн юм. Энэ хугацаанд нийт 3 богино хэмжээний кино бүтээж, 80 гаруй оюуны болон хөгжлийн ялгаатай сургагчдыг төсөлд хамруулж, тэдний өөртөө итгэх итгэл, урам зоригийг нэмэхэд хувь нэмрээ оруулаад буй.
2018“Моушн Монголиа” олон улсын орчин үеийн бүжгийн наадам нь дэлхийн шилдэг орчин үеийн бүжгийг Монголын үзэгчдэд хүргэх, бүжгийн салбарын олон улсын хамтын ажиллагааг нэмэгдүүлэх зорилгоор зохион байгуулагдаж, АНУ, Канад, ОХУ болон Монголын орчин үеийн бүжгүүдээс толилуулж байсан.
20152015 оноос хойш тогтмол зохион байгуулж буй “Улаанбаатар” олон улсын медиа урлагийн наадам нь соёлын олон төрлийг хөгжүүлэх, олон улсын хамтын ажиллагааг өргөжүүлэх, дотоодын уран бүтээлчдийн чадварыг дээшлүүлэх, дэвшилтэт техник, технологит тулгуурласан монголын болон олон улсын шилдэг медиа бүтээлүүдийг олон нийтэд хүргэх замаар орчин үеийн урлагийн хөгжилд хувь нэмэр оруулдгаараа онцлог наадам байсан.
Тус наадам нь 9 жилийн турш амжилттай хэрэгжсэний дараа цар хүрээгээ тэлж Улаанбаатар биенналь болон үргэлжилж байна.
2010МУЗ нь Америкийн Монголчуудын Соёлын Холбоо хамтран “Ирээдүйн авьяастан” тэтгэлэгт хөтөлбөрийг Монгол улсад ховор мэргэжлээр амжилттай суралцаж буй санхүүгийн хүндрэлтэй оюутнуудад сургалтын тэтгэлэг олгох, ирээдүйн чадварлаг боловсон хүчин бэлтгэхэд хувь нэмэр оруулах зорилготойгоор хэрэгжүүлж эхэлсэн. 15 дахь удаагаа хэрэгжиж буй уг төслийн хүрээнд нийт 61 оюутан, сурагчдад тэтгэлэг олгоод байна.
2009300 гаруй жилийн түүхтэй Амарбаясгалант хийдийн галын болон хулгайн аюулгүй байдлыг хангах төслийг боловсруулан гал түймрээс сэргийлэх сургалт зохион байгуулж, сүм хийдийн барилгын модон бүтцийг галаас хамгаалах дэвшилтэт технологийг Америкийн Элчин Сайдын Яамтай хамтран нэвтрүүлсэн.
2009МУЗ нь Ерөнхийлөгчийн Тамгын газартай хамтран Монголын сүм хийд, бурхны шашны биет болон биет бус өвийг баримтжуулсан “Монголын сүм хийдийн түүхэн товчоон” номыг хэвлүүлсэн юм.
2008Монголын соёл урлагийг гадаад, дотоодод сурталчлах, улсын баяр наадмын соёл үйлчилгээ, арга хэмжээг өргөтгөх, уран бүтээлчдийн чадавхыг дээшлүүлэх, Монголын соёл, ёс заншил, уламжлалыг сонирхолтой хэлбэрээр олон нийтэд хүргэх зорилгын хүрээнд 2008 оноос 2023 он хүртэл амжилттай зохион байгуулсан.
2008МУЗ нь АНУ дахь Монголын Урлагийн Зөвлөлтэй хамтран “Соёл урлагийн залуу манлайлагч” хөтөлбөрийг амжилттай хэрэгжүүлж эхэлсэн ба 2024 оны байдлаар нийт 340 гаруй соёл урлагийн залуу манлайлагчдыг хамруулан, тэдний манлайллын чадавхыг дээшлүүлэхэд хувь нэмэр оруулсан байна.
2008“Улаанбаатар” олон улсын кино наадам (УБОУКН) -ыг Монголын кино урлагийн салбарын хөгжилд олон улсын хамтын ажиллагааг өргөжүүлэх, кино уран бүтээлчдийн мэргэжлийн ур чадварыг дээшлүүлэх зорилготойгоор нэн орчин цагийн хийгээд кино урлагийн өнгө төрхийг тодорхойлж буй дэлхийн шилдэг кино бүтээлүүдээс сорчлон Монголын үзэгч олонд толилуулахаар зохион байгуулж эхэлсэн.
2006Их Монгол Улс байгуулагдсаны 800 жилийн ойн хүрээнд хүүхэд залуучуудын соёлын өвийн мэдлэгийг дээшлүүлэх,бүтээлч сэтгэлгээг хөгжүүлэх зорилгоор уг төслийг 5 аймаг, Улаанбаатар хотын 300 гаруй хүүхэд залуучуудын дунд амжилттай хэрэгжүүлсэн. Энэ хүрээнд 88 морины баримлыг бүтээж, морьтой холбоотой танин мэдэхүйн мэдээллийн багцыг боловсруулан сургалт зохион байгуулсан юм.
2005АНУ-ын ЭСЯ-ны санхүүжилтээр хэрэгжсэн энэхүү төслийн хүрээнд Данзанравжаагийн музейн сан хөмрөгийг хадгалж хамгаалах, цаасан болон даавуун сэргээн засварлах чадавхыг бэхжүүлэн музейн ажилтнуудад зориулсан цуврал сургалт зохион байгуулж, “Музейн сан хөмрөгийн хамгаалалт” гарын авлагыг боловсруулсан юм.
2003Хөгжим, дүрслэх урлаг, бүжгийн хөтөлбөрөөр дамжуулан хүүхдийн танин мэдэхүйг дээшлүүлэх, бүтээлч сэтгэлгээтэй хувь хүн болгон төлөвшүүлэх зорилгоор хэрэгжүүлж эхэлсэн урлагийн боловсролын анхны төсөл юм.
2003“Улаан гэр” галерей нь уран бүтээлчдийн бүтээлийг борлуулах, үзэсгэлэн гаргах, сургалт, хурал уулзалт зохион байгуулах, уран бүтээлч, хувь хүн, бизнесийн байгууллагатай олон талт хамтын ажиллагааг өрнүүлэх зорилготой байгуулагдсан анхны галерей юм.
2002Монголын соёл урлагийн тогтвортой хөгжлийг дэмжиж, соёлын өвийг хадгалан хамгаалах зорилгоор Монголын Урлагийн Зөвлөл НҮТББ байгуулагдав.
