Урлагаар дамжуулан, нийгэмд тулгамдаж буй олон талт асуудлыг хөндөн, Соёл урлагийн ач холбогдол, үнэт зүйлсийг олон нийтэд таниулан сурталчлан, гоо зүй, урлагийн боловсролыг дээшлүүлэх, соёл урлагийн салбарын хүн ба нийгмийн хөгжилд оруулах хувь нэмрийг нэмэгдүүлэх зорилгоор хэрэгжүүлдэг төсөл юм.

МУЗ нь “Урлагийн шүүмж судлал ба өнөөгийн байдал, хэрэгцээ шаардлага”, “Хөгжмийн шүүмж судлал”, “Дүрслэхүйн шүүмж судлал”, “Кино урлагийн шүүмж судлал” гэсэн 4 сэдвийн хүрээнд агуулгыг боловсруулан, уран бүтээлчид, мэргэжлийн судлаачид, эрдэмтэн мэргэжилтнүүдийг урьж оролцуулсан телевизийн цуврал нэвтрүүлгийг бэлтгэн, сошиал медиа сүлжээгээр дамжуулан хүргэсэн байна.
Тус төсөл нь 2024 оноос подкаст хэлбэрт шилжин, сар тутам бэлтгэн хүргэж байна. “Урлагтай яриа” подкастын хөтлөгчөөр МУЗ-ийн тэргүүн Ч.Ганболд ажиллаж, соёл урлаг, нийгмийн салбарт өөрийн байр суурь, хувь нэмрээ оруулж буй хүндэт 2 төлөөллийг дугаар бүрт урьж оролцуулан, тэдгээрийн үзэл бодол, соёл урлагт оруулж буй хувь нэмэр, соёл урлагийн нийгэмд үзүүлж буй үнэт зүйлсийн тухай яриа өрнүүлдэг билээ.