МУЗ нь АНУ дахь Монголын Урлагийн Зөвлөлтэй хамтран “Соёл урлагийн залуу манлайлагч” хөтөлбөрийг 2008 оноос хойш амжилттай хэрэгжүүлж байна. Нийт 320 гаруй соёл урлагийн залуу манлайлагчдын хамтын ажиллагааг нэмэгдүүлэх, бүтээлч төсөл хэрэгжүүлэхэд чиглэсэн хөтөлбөр юм. 2023 онд 15 дах удаагаа “Соёл урлагийн залуу манлайлагч” хөтөлбөрийг соёл урлагийн салбарын залуу удирдагчдыг бэлтгэх, тэдний хамтын ажиллагааг өргөжүүлэх зорилготойгоор 18 манлайлагч залуусыг элсүүлэн, 20 сургалтыг олон улсын болон дотоодын мэргэжилтнээр удирдуулан зохион байгууллаа. Мөн төслийн хүрээнд манлайлагчид нийгэмд чиглэсэн, бүтээлч бичил төслийг санаачлан хэрэгжүүлж, хамтын ажиллагаагаа өргөжүүллээ.