Монголын Урлагийн Зөвлөл (МУЗ) нь 2008-2012 онд МҮОНРТ-тэй хамтран олон нийтэд нийгэм, соёл урлагийн асуудлыг хөндсөн мэдээллийг бэлтгэн хүргэж, соёл урлагийн хувь хүний болон нийгмийн хөгжилд үзүүлэх ач холбогдлыг таниулан сурталчлах зорилгоор “Урлагийн Сүлжээ” сар тутмын телевизийн нэвтрүүлгийг санаачлан, амжилттай хэрэгжүүлсэн билээ. Энэхүү туршлага дээрээ үндэслэн 2024 онд “Урлагтай яриа” төслийг шинэ өнгө төрх, агуулгатайгаар, подкаст хэлбэрт оруулан, нийгэм, соёл урлагийн ач холбогдол, үнэт зүйлсийг олон нийтэд таниулан сурталчлах зорилгоор МУЗ-ийн албан ёсны Youtube хуудсаар сар тутам бэлтгэн хүргэж байна. Мөн 2025 оны 3-р сараас олон нийтэд өргөнөөр хүргэн, Монголын Үндэсний Олон Нийтийн Радио Телевизээр 2 долоо хоног тутам, Бямба гариг бүрийн 17:10-аас та бүхэнд хүрч байна.
“Урлагтай яриа” подкастын хөтлөгчөөр МУЗ-ийн тэргүүн Ч.Ганболд ажиллаж, соёл урлаг, нийгмийн салбарт өөрийн байр суурь, хувь нэмрээ оруулж буй хүндэт 2 төлөөллийг дугаар бүрт урьж оролцуулан, тэдгээрийн үзэл бодол, соёл урлагт оруулж буй хувь нэмэр, соёл урлагийн нийгэмд үзүүлж буй үнэт зүйлсийн тухай яриа өрнүүлдэг.
Үзэх холбоос: https://www.youtube.com/@ArtscouncilMN/podcasts
Та “Урлагтай ” подкастыг дэмжин, хамтран ажиллах хүсэлтэй бол marketing@artscouncil.mn хаяг болон 89365898 дугаарт холбогдоно уу!
Чингэлтэй дүүрэг, Жуулчны гудамж,
Дельта төв, 402 тоот 38-р салбар, Ш/Х-491, Улаанбаатар-15170,
Монгол улс
Бүх эрх хуулиар хамгаалагдсан © 2002 – 2025. Монголын Урлагийн Зөвлөл.