Монголын урлагийн зөвлөл нь АНУ дахь Монголын урлагийн зөвлөлтэй хамтран ХААН Банкны гүйцэтгэх захирал болон МУЗ-ийн дэд тэргүүн асан Питер Морроу-ийн гэгээн дурсгалд зориулан “Гэрэлт морьд” тэтгэлэгт хөтөлбөрийг мэргэжлийн уран бүтээлчдийг дэмжих, салбарын өрсөлдөх чадварыг нэмэгдүүлэх зорилготойгоор зургаа дахь жилдээ зохион байгуулж байна.

Сонгон шалгаруулах хорооны шийдвэрээр энэ удаагийн тэтгэлэгт уралдаанд электроник, хаус, техно урсгалаар уран бүтээл туурвидаг залуусын богино хэмжээний цомог хийх “Team Maexst” төсөл шалгарлаа.

Шалгарсан уран бүтээлчид 10 хоногийн турш Горхи-Тэрэлж байгалийн цогцолбор газар, “Бугат ресорт”-д байрлан, уран бүтээлээ туурвиж, олон нийтэд толилуулах юм.