МУЗ нь АНУ дахь Монголын Урлагийн Зөвлөлтэй хамтран 2008 оноос хойш амжилттай хэрэгжүүлж буй “Соёл урлагийн залуу манлайлагч” хөтөлбөр нь соёл урлагийн залуу манлайлагчдын хамтын ажиллагааг нэмэгдүүлэх, олон нийтэд чиглэсэн бүтээлч төсөл хэрэгжүүлдэг. 

2022 онд хөтөлбөрийн хүрээнд “Соёл урлагийн залуу манлайлагч” хөтөлбөрийн төгсөгчдийн хороо бий болсон.

Тус хорооны гишүүд нийт төгсөгчдийн хамтын ажиллагааг өргөжүүлэх, олон улс болон дотоодод танигдах, урлаг ба бусад салбарын харилцаа холбоог бий болгох гүүрийг бий болгосон www.arthub.mn сайтыг бүтээж, нийт төгсөгчдийн мэдээллийг оруулсан.