УРАН БҮТЭЭЛЧ ТА БҮХНИЙГ “ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2014 ХӨТӨЛБӨРТ УРЬЖ БАЙНА!
Mонголын Урлагийн Зөвлөл (МУЗ), Солонгосын Урлагийн Зөвлөл хамтран “ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2014 хөтөлбөрийг зарлаж байна.
Хөтөлбөр хэрэгжих газар, хугацаа: 2014 оны 9-р сарын 1-11
• Өмнөговь аймаг, 2014 оны 9-р сарын 3-8
• Улаанбаатар хот, 2014 оны 9 сарын 9-10
Хөтөлбөрийн зорилго:
“ЦАГ ХУГАЦАА БА ОРОН ЗАЙ” НҮҮДЛИЙН УРЛАН – 2014 хөтөлбөрийн зорилго нь Монгол, Солонгосын уран бүтээлчдийн хамтын ажиллагааг өргөжүүлэх, уран бүтээлчид болон урлагийн нийгэм болон орон нутгийн хөгжилд оруулах хувь нэмрийг нэмэгдүүлэхэд оршино.
Урлагийн төрөл:
• Орчин үеийн урлаг- инстоляци, перформенс, медиа урлаг
• Фото
Сонгон шалгаруулах шалгуур:
• 28-45 насны дадлага туршлагатай, чадварлаг мэргэжлийн уран бүтээлч байх
• Багаар ажиллах чадвартай байх
• Англи хэлний анхан шатны мэдлэгтэй байх
Сонгон шалгаруулалт:
Уран бүтээлчдийн сонгон шалгаруулалтыг МУЗ-ийн Уран Бүтээлчдийг Дэмжих болон Хөтөлбөрийн Хороо, Удирдах Зөвлөлийн гишүүд, ажилчдаас бүрдсэн Сонгон Шалгаруулах Хороо гүйцэтгэнэ. Эцсийн дүнг 2014 оны 8-р сарын 15-нд зарлана.
Монгол уран бүтээлчдийн энэхүү хөтөлбөрт оролцох зардлыг МУЗ бүрэн хариуцана.
Бүрдүүлэх материал:
• Өргөдлийн маягт (доорх хаягаар авна уу).
• Уран бүтээлчийн намтар (англи монгол хэл дээр).
• Уран бүтээлийн танилцуулга (CD дээр буулгасан).
• Хөтөлбөрийн явцад туурвих уран бүтээлийн товч тайлбар.
• Өргөдлийг холбогдох материалын хамт 2014 оны 8 сарын 1-ний дотор Монголын Урлагийн Зөвлөлд ирүүлнэ үү.
Хаяг : Монголын Урлагийн Зөвлөл (МУЗ)
Дельта төв /Урт цагааны зүүн урд талд/
402 тоот Жуулчны гудамж, Чингэлтэй дүүрэг
Утас/Факс : 976-11-319015, 319017